مجتمع اعباء الحياة
مرحبا بك ايها الزائر في منتديات عالمنا

نتمنى ان تختم زيارة بالانضمام الى الاسرة المتواضعة

تحيات الادارة



 
الرئيسيةالرئيسية  س .و .جس .و .ج  الأعضاءالأعضاء  التسجيلالتسجيل  المجموعاتالمجموعات  دخولدخول  

شاطر | 
 

 اساسيات العناية بجميع انواع الشعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin

avatar

عدد المساهمات : 1389
نقاط : 8744
السٌّمعَة : 0
تـــاريخ التســـجيل : 27/02/2012
العمر : 18

مُساهمةموضوع: اساسيات العناية بجميع انواع الشعر   الإثنين سبتمبر 01, 2014 2:49 am


النهارده هتكلم معاكم عن اساسيات العنايه بالشعر وهفهمكم شويه حاجات علي اساسها هتبقي حل اي مشكله للشعر بتواجه اي حد ان شاء الله.
في الاول تعالوا اكلمكم عن انواع الشعر وازاي اتعامل مع كل نوع؟؟؟؟

1-الشعر الدهني:
هتلاقوا الشعر الدهني بيفرز دهون كتير وهو اكتر شعر معرض للاصابه بالقشره والتساقط.
لازم الشعر الدهني اغسله باستمرار عشان اتخلص من الدهون اللي بتتكون فيه ويفضل استخدام شامبو يكون فيه بيض ويستحب اننا نشطف الشعر الدهني من وقت لاخر بميه فيها معلقه كبيره من اللمون عشان نتخلص من الدهون اللي بتتكون دي
واصحاب الشعر الدهني ياريت يبتعدوا عن اكل التوابل والشطه والمقبلات اللي بتزود عندهم افراز الدهون ف الشعر

2-الشعر العادي:
هو من افضل انواع الشعر بس لو ماهتمناش بيه هيتحول لشعر جااف. لازم مانغسلهوش كتير عشان مانخلهوش يفقد الزيوت اللي فيه ويجف وكمان نستخدم شامبو فيه اعشاب طبيعيه عند الاستحمام عشان نحافظ عليه دايما بيبرق ولامع وصحي

3-الشعر الجاااف:
هو شعر اكثر احتماليه للسقووط والتقصف لازم مانغسلهوش كتير لاننا محتاجين الزيوت اللي فيه وكمان نستخدم شامبو يحتوي علي زيوت عشان يطريه ويلمعه ومن افضل الزيوت هي زيت الذره والزيتون وجوز الهند
ويستحب عمل حمامات زيت للشعر الجاف باننا ندهن بزيت بعد غسيله ونلفه بفوطه سخنه لمده 30 دقيقه وبعدبن نشطفه
احنا هنتكلم عن حمامات الزيوت والكريمات للشعر بالتفصيل بس انا بديكم مثال

4-الشعر المصبوغ:
وده بيتعامل معامله خاصه يعني نستخدم شامبو للشعر المصبوغ .نحاول نغسله بالمعدل المطلوب لاي شعر يعني من مرتين لتلاته ف الاسبوع. قللي استخدام الاستشوار والمكوه

5-الشعر المفرود:
اللي اتفرد بكريم فرد او حنه فرد او كيرياتين ده هيتعامل معامله خاصه شويه وهي اننا نستخدم شامبو وبلسم 2×1 ويكونوا بيحتوا ع زيوت وبروتينات تغذي الشعر.يتم غسله من مرتين لتلاته. ابعدوا عن الاستشوار والمكوه ف الشعر المفرود

*هاجي اقولك بتقصي شعرك؟؟؟
هتقوليلي اقصه ليه ماهو كويس اهو بس هو بيقع شويه ومتقصف شويتين وخفيف تلات شويااات
عايزه اقولكم لازم تقصوا اطراف شعركم علي الاقل مره كل 3 شهور عشان لو سيبتم الاطراف البايظه دي هتبوظ باقي شعركم فلازم قص الاطراف.

*بتأكلي شعرك ولا لأ؟؟؟
طبعا هتردوا عليا وتقولولي اكيد انتي لسه نايمه ومافوقتيش
هقولكم لا شعرك بياكل معاكي يعني لو ماكلتيش كويس شعرك عمره ماهيبقي كويس .شعرك محتاج الاكل اللي فيه بروتينات وفيتامينات خاصه فيتامين ب7 يعني كتري من البقوليات والخضار والفاكهه.

***فيه نصايح اخيره انا هقولك عليها لازم تتبعيها****

1-استخدام الشامبو المناسب لكل نوع شعر
2-اوعي تحطي الشامبو علي فروه الراس حطيه علي الاطراف وبعدين وزعيه
3-لازم تستخدمي بلسم كويس بعد الشامبو
4-تشطفي شعرك كويس اووووي اوووي اوووي
5-اوعي تنشفي شعرك جامد بالفوطه وحاولي تنشفيه بلطف
6-لما تيجي تستخدمي الاستشوار او المكواه ابعدي عن فروه الراس وجذور الشعر
7-لما تيجي تسرحي استخدمي مشط اسنانه واسعه ومعمول من الخشب
8-الشعر المصبوغ سبيه ينشف لوحده بلاش استشوار او مجفف عشان هيأثر ع اللون
وحاولي تغسلي الشعر بعد ماصبغتيه ب 48 ساعه واستخدمي الميه الساقعه ف الغسيل عشان اللون مايروحش
واوعي تصبغي لون ع لون استني لما اللون الاولاني يروح
9-اهتمي انك تعملي حمام زيت او كريم اسبوعي عشان تحافظي علي شعرك
10-اهتمي بالاكل اللي يغذي شعرك
11-قللي استخدام الاستشوار والمكواه
12-غسل الشعر بيكون من 2_3 مرات لاي نوع شعر ماعدا الدهني ممكن يبقوا 4 مرات بالاسبوع
13-لما تيجي تلمي شعرك اوعي تشديه اوووي عشان تسمحي للهوا انه يدخله وبكده تمنعي تساقطه وتقصفه

بكده اكون قولتلك ع اساسيات العنايه بشعرك التزمي بكل الحاجه اللي قولتلك عليها عشان بعد كده هنتكلم ع مشكلات الشعر زي التساقط والتقصف والقشره وحاجات تانيه كتير بس ف وقت تاني
يارب اكون افادتكم بالمعلومات دي وليا ميعاد تاني معاكم
واللي عايز يسأل ع حاجه هرد عليه






تفاعلكم معنا هو الداعم الوحيد لي باكمال هذه المنتدي ..


$ جون سينا $
الرجوع الى أعلى الصفحة اذهب الى الأسفل
 
اساسيات العناية بجميع انواع الشعر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجتمع اعباء الحياة :: قسم الاسرة :: جمالك اميرتى-
انتقل الى: